北海道之旅 2017 （DAY 3 La Vista Hotel＆函館朝市)

呢日究竟食左幾多餐?!😅



之前講過我每日好早自動彈左起身訓唔返😞
而隔離個位人兄因為平時都要8am返到公司，所以已慣左早起😵

我地大約8點去食早餐...
好彩早去, 9點離開時見到一條好好好長既人龍等入座😨😨😨

原來 La Vista既早餐係曾經榮獲全日本no.1的😁😄
又真係幾多選擇啊...
日式西式食物種類多到以為自己去左食lunch buffet😂
（個個都排晒隊等拎野食，唔好幾好意思係到狂影相既😅）

令我印象最深刻既，係自選海鮮丼，一盤盤既魚生：
吞拿魚、蝦、魷魚、三文魚子！！！仲有明太子、蛋絲、紫菜等
任你揀任你夾😱😱

加左件厚玉子望落去再豐富d😆

北海道牛奶係必飲的
仲有焦糖布甸
好滑好香😍😍😍

好滿足的一餐😋😋😋

食完休息左陣又上頂樓浸溫泉、焗桑拿、食雪條
日頭個景係咁的，好relax啊～

11點Checkout後在reception寄存行李
其實La Vista 既磚牆lobby 好特別亦好有氣氛，更設有一個禮品部比客人買手信～

然後行去JR站附近既函館朝市

尋晚一場大雨，路面既冰雪都溶晒，係好行好多，一來一回甚至拖篋都完全無問題😆

有d冷清...

其實人地叫得"朝市"，應該都係做朝早生意，呢個鐘數係準備收市架喇🙈🙈

食左超甜哈密瓜，買左少少乾貨做手信，磯燒元貝真係幾好味，返到香港好快食晒，早知買多d啦😆

有即場Chok墨魚😮😮

然後去左 うにむらかみ函館本店，呢間餐廳係朋友推介的，主打無添加海膽，
成日都見到佢fb post滿滿的海膽丼，已期待很久，終於到我食了😏

早餐食到太飽，唔想再食飯，就點左一板海膽，一客燒海膽同燒鮑魚，點都要試下既😁😋😋

我地2個人，佢咁啱比左張6人枱我地😳

同時我地發現一個現象，就係日本d餐廳通常每一張枱都只會serve一枱客，
無論出面條人龍幾長，都唔會為左快快脆脆賺多幾轉而將d客逼埋一齊
環境係幾舒服的

香港d鋪租咁貴，確實好難可以咁樣做生意架，唉😩