北海道之旅 2017 （DAY 6 富良野滑雪 ＆ 森之時計)
終於黎到呢一日喇，對於滑雪，既興奮又有啲膽怯
細細個時我的緊張大師媽媽表到明運動係高危既活動，即係游水呀，行山呀，踩單車呀，打波呀，佢都幾反對的😓
除左小學時跳遠比賽拎第3(因為腳長😎😎...比例上😂)同4x100接力包尾😌，我同其他運動都無乜緣份😣
幸好大個左朋友教識左我踩單車，又玩過下d水上活動，讀書時期的外拍job行暈全港不同既山卡啦地方，先感受到做運動同時欣賞大自然美景既奧妙
呢個post要叫"don't tell my mother i am skiing"，唔想比人鬧🙈😂
一早起身，食左少少野，望出窗，天氣好好啊☀☀☀☃☃☃
老闆準時8:30am禁門鐘接我地出發去富良野滑雪場，亦即王子大飯店內，佢仲送到我地去reception同職員溝通好先放心走呀🙇🙇🙇
我地報既Furano Snow School "First Timer Course（Age 13+）", 有2hrs 上堂時間，用英文教學
包埋Full package rental：有滑雪板、雪杖、鞋、外套、褲、冷帽、手套同goggle, 十分齊全
都係12500yen／人
詳情：
http://www.spfurano.com/en/winter.html
開頭我以為會有10幾個黎自唔同國家既人一齊上堂，有大有細，都擔心無乜運動細胞既自己學唔學得掂同整親🙈( 好彩預先淘寶買左滑雪臀墊，加上啲雪好軟，跌低時完全無感覺😂😂😁）
去到換裝備，最大挑戰係著對鞋，因為佢地話要緊啲先唔易受傷，行出去好似企鵝咁一仆一碌🐧😅😅搞到有啲躁底😅😅😭同埋件外套有幾層物料，著左件heattech打底，係零下既溫度係會覺得熱😱
我副goggles都係淘架，諗住玩下唔使買咁貴，我地初學唔使去咁高又唔大風，當日基本上唔使用，變左裝飾😯
然後係拎滑雪板個centre同左2 pair香港人相認😂
原來計埋我地總共有6個人上呢個course，大家都講廣東話同聲同氣，未出雪場已經不停咁吹水，唔知以為我地組左團😆
我地既導師係當地人MARI，佢非常之有耐性，因為我地係咁仆係咁撞係咁跣🙈
我都唔記得佢嗌左幾多次Joey😅😅
幸好係2 hrs內都教晒我地d基本野，個個都成功滑到😆
男士們個個都好有天份好勁😂😂😂
而我地女仔就間唔時停留係一個位置"moonwalk"，上極都上唔到又要防止自己跣返落去😂😂
望住個雪山，呢個時候忍唔住唱返句："用最孤獨的心～換最溫柔的愛～"
（有共鳴😏😏）
然後
"我係咪好任性呀？"
"係，不過係我揀既"
變成左當日既金句😂😂😂😂
MARI老師離開後，我地就係呢個"防鯊網"玩喇，行到最高，第一次滑落黎剎唔到，面向雪仆低左，個身呀手腳完全唔痛，係塊面痛，原來比雪刮損左下巴，好彩係皮外傷，所以無損興致🙈🙈
然後我mark左呢個位，每次行返上呢到開始，無咁斜嘛😆😆
即興同李生影張型仔相，但佢揸到枝雪杖咁既樣，想點呀😌😂
跣到就黎一字馬la😆😆😆HELP😂😂😂
我地個個都好想搭纜車，但係無得搭返落黎架，原本真係諗住博一博，
仲講笑話滑唔到行返落黎或者碌返落黎😀😜
但入口寫住初學者唔搭得，我地又無人帶住，上都唔識上啦😂
安全起見都係留係原地，用仰慕既眼光觀賞滑雪高手既英姿😍😍😍
最後，特別呈獻
一鼓作氣，再而跣，三而仆😆
又嘻嘻哈哈完2個鐘就去休息食野喇，換好晒衫，呢個時候發生左個小插曲，
同學仔發覺跌左部電話😨李生話佢都跌過一次不過執返，所以大家滑雪時一定要記得拉實鏈裝好貴重物件呀
係雪場搵左一陣無乜結果😔最後佢地返去rental office再問下，真係有人執到拎返去呀，So Lucky，無比雪堆埋左呀😭😭😭🙏
由於太感動，決定去食餐好既去慶祝一下
可惜Candice & Pong book左車要返札幌
咁我地就同Chika & Nick係咁意逛下王子飯店傍,呢個入黑後著晒燈會好夢幻好靚既森之時計先
不過咁樣都好夠浪漫ya😆😆
遇到黎來自馬來西亞既同胞又開心地吹左陣水😂
其實係外地聽到廣東話會感覺好親切架😊😊😊
只係好多時係遊客區／熱門餐廳聽到個個都講中文覺得無旅行feel，又或者遇到d無乜禮貌既
人會比較反感
由於同學仔係自駕遊的，我地就坐佢地車一齊落去車站附近搵野食喇
打算食個間YAMADORI炭火燒肉5pm先開晚市（好似間間都係呢個鐘數架）
仲有半個鐘，就去食個件cake先
然後搭正5pm入去就做左第一枱客喇，環境幾decent，半個鐘內已坐滿人！
太肚餓既緣故，怒點左總共10樣野😆
介紹返
是晚高潮位😍😍如果早D知佢咁好食會喪嗌
佢不在menu內，用google translate拼個音出黎讀比姨姨聽，
又聽得明伸條脷出黎問係咪"tongue"😅
飲飽食醉🍻🍢🔥
埋單17777ja..好多7😎😂
除返開4個人平均每人港幣＄300到....仲要係和牛仲要好味10倍
邊到搵呀😱😱😱
超滿足的一餐，之後我地又去左CO-OP行左陣，有車係唔同D！好快就到....
諗起我地前一日既艱辛😂😂😂😂😁
買左按摩膏同浴鹽，個個都開始酸痛😜🙈
夜晚8,9點就見到當地主婦掃特價食材，A4和牛都係半價ja😱
Nick & Chika好好人，佢地住係附近但都專登車返我地上北之峰🙏🙏
去旅行識到朋友仔一齊玩真係一件好開心既事啊😊😊😊👍👍👍👏💓
我仲估你們咁年輕會玩Snowboard....
回覆刪除第一次玩ski易上手D haha
刪除